Nú eru 17 jarðhitahol í Svínoy

Í summar er av álvara skundað undir grøna orkuskiftið í Svínoy, nú eru seytjan jarðhitahol borað í summar.

Í Svínoy eru tey annars von við at fáa olju í tunnum. Jarðhitin fer at lætta nógv hjá svínoyingum, sigur Frímund Hansen, svínoyingur.

- Við teimum seytjan jarðhitaholunum fara vit at sleppa frá at flyta millum 200 og 300 tunnur til Svínoyar, sigur hann.

Talan er tí um eina bæði lættari og grønari loysn hjá svínoyingum, heldur Frímund Hansen.

Sí meira í innslagi í Degi og viku.