Elduvíkarvegurin verður umvældur

Elduvíkarvegurin hevur í longri tíð verið kendur fyri at vera í vánaligum standi, og bæði bilførarar og borgarar í økinum hava eftirspurt eina loysn. Nú er arbeiðið farið í gongd, og Landsverk stendur fyri at leggja nýtt asfalt og bøta um undirlagið, soleiðis at vegurin verður tryggari og betri at ferðast eftir.

Arbeiðið verður gjørt eitt sindur øðrvísi enn vanligt, tí ístaðin fyri bert at brúka nýtt tilfar, verður endurnýtt asfalt, sum er tikið burtur frá øðrum vegastrekki. Hetta merkir, at tilfarið verður gagnnýtt aftur. 

Tá arbeiðið er liðugt, verður væntandi munandi betri at koyra til og úr Elduvík.