Hvalurin við sjógv á baki

Tað var gott lag á bryggjuni, tá manningin á Hvalinum kom á land eftir seksmannafarsróðurin á norðoyastevnu um vikuskiftið.

Hvalurin hevði vunnið og skrivaði samstundis søgu sum fyrsti eiðisbáturin, sum hevur vunnið ein FM-róður í eini hálvthundrað ár.

 - Kenslan er góð, ótrúliga góð. Hetta skal hátíðarhaldast, segði Ingvar K. Ellingsgaard á Hvalinum.

Hvat merkir tað fyri felagið hjá tykkum og Eiði?

 - Tað burdi givið eitt stórt boost og vísir, at tað ber til at rógva har norðuri, og at mann er við, segði Ingvar K. Ellingsgaard.