Nýggja neystið reist

Nú í nøkur ár hevur Froðbiar Sóknar Róðrarfelag húsast í bingjum.

Tað er sjálvandi ikki nøktandi, og nú kunnu limirnir í felagnum gleða seg til nýggjar karmar. Tey skulu nevniliga húsast í vatnítróttarstøðini, Fjørður.

 - At vera á veg til at fáa eitt nýtt hús er bara fantastiskt, sigur formaðurin í FSR, Linn Linn Mohr Augustinussen.

 Nýggja neystið hevur stórar fyrimunir við sær fyri rógvararnar í felagnum.

 - Tað ger, at vit kunnu savnast, og at samanhaldið kann blíva uppaftur betri, sigur Barbara Tausen úr trivnaðarnevndini hjá felagnum, sum vónar, at hetta fer at eggja fleiri til at rógva.

Barbara Tausen sigur, at málið hjá felagnum er, at hava bæði kvinnu- og mannfólkamanning í vaksnamannaróðri og at fáa fleiri barnamanningar, tí í ár hava tey onga.

Í nýggja bygninginum er ætlanin eisini at hava tilboð um alskyns vatnítrótt.