Vita ov lítið um ríkisfelagsskapin

Danska stjórnin heldur, at børn og ung í Danmark vita ov lítið um ríkisfelagsskapin.

Hon hevur tí sett av pengar til tiltøk, sum skulu styrkja ta vitanina.

Fyrsta ríkisfelagsskapsvikan hjá donsku skúlunum verður í viku 46, hon er í november, næsta skúlaár.

Kravt tilfar

Síðani skúlaárið 2023/2024 hevur ríkisfelagsskapurin verið kravt tilfar í søgu í danska fólkaskúlanum.

Pengar eru eisini til, at Den Nordatlantiske Gymnasieklasse heldur fram.

Miðnám á Kambsdali er við har fyri Føroyar.

Og nú kunnu skúlaflokkar í Grønlandi og Føroyum eisini fáa pengar at ferðast fyri.