Atlantsflog repar seglini á íslandsleiðini

Atlantsflog tekur avleiðingarnar av kappingini við Icelandair og minkar munandi um flúgvingina til Íslands í vetur.

Tað sigur Jóhanna á Bergi, stjóri í felagnum, við Portalin.

Í løtuni flýgur Atlantsflog til og úr Íslandi tvær ferðir um vikuna, mánadag og fríggjadag.

Frá 23.oktober flýgur Atlantsflog ein túr til Íslands um vikuna - yvir til Íslands fríggjadag og aftur í Vágar mánadag.

Og frá hálvum desember til 19.mars verður als eingin flúgving til Íslands.

Tó ger Altantslog nakrar fáar túrar til Íslands, um mánaðarskiftið januar-februar næsta ár. 

-Vit eru noydd at taka atlit til veruleikan. Tá vit vóru einsamøll á marknaðinum loysti tað seg hjá okkum at flúgva til Íslands um veturin. Við kappingini frá Icelandair, ið brúkar smærri flogfør á turuni, loysir tað seg ikki hjá okkum at flúgva so ofta um veturin, sigur Jóhanna á Bergi við Portalin.