Grønlendingar fáa ókeypis sjúkraviðgerð í Danmark

Grønlendingar skulu í framtíðini fáa ókeypis sjúkraviðgerð í Danmark.

Tað fer at kosta Danmark 180 milliónir krónur um árið.

Danski heilsumálaráðharrin, Ida Auken, sum er á vitjan í Grønlandi, hevur gjørt avtalu við Onnu Wagenheim, landsstýriskvinnu í heilsumálum, um ókeypis viðgerð á donskum sjúkrahúsum.

Umleið 1300 grønlendskir sjúklingar viðgjørdir í Danmark um árið, serliga á Ríkissjúkrahúsinum í Keypmannahavn.

Anna Wangenheim fegnast um avtaluna. Hon sigur, at avtalan er søgulig.

Landsstýriskvinnan sigur, at tær 180 milliónirnar, sum Grønland nú fer at hava meir at ráða yvir, skulu nýtast til at bøta um heilsutænasturnar í Grønlandi.