Hetta fer D-A-D at spæla, tá kúgvin er flett

Áðrenn landsdystir, plaga ítróttarsjournalistar at gita óført um liðuppstillingina. Vit fara at gera tað sama, nú eitt tað størsta rokkorkestur í kongaríkinum Danmark kemur heilt til Viðareiðis at spæla konsert. 

D-A-D hevur verið á konsertferð í Skandinavia í summar, við avstikkarum til eitt nú Týsklands og Pourtugal. Um mann hyggur eftir sangrøðini, ella setlistunum, frá hesum konsertunum á heimasíðuni Setlist.fm, so ber til at fáa ein hilling av, hvat D-A-D fer at spæla, tá bólkurin fer á pallin á Norð festivalinum á Viðareiði, tá kúgvin altso er flett.  

Hittini verða spæld

Eingin nýtist óttast fyri, at D-A-D ikki fer at spæla “Sleeping My Day Away.” Jesper Binzer, Jacob Binzer, Stig Pedersen og Laust Sonne eru gamlir í garði og hava ongar listarligar ónollur. Teir kenna sínar fjepparar og vita, hvat teir vilja hava. 

Men við 13 plátum at velja sangir burturúr, so kann tað vera ein avbjóðing. Tann fyrsta plátan, "Call of the Wild" kom út í 1986, og tann 13., "Speed of Darkness", kom út í 2024.

D-A-D, Stig Pedersen

Nýtt, men mest gamalt

Givið er, at teir eisini vilja spæla okkurt nýggjari tilfar, men bulur í skránni verður av stórseljandi plátuni "No Fuel Left For The Pilgrims" frá 1989 og "Riskin' It All" frá 1991. 

Vit gita, at hetta verður sangrøðin til konsertina. Spennandi verður at vita, um vit fáa rætt.

Eitt er givið: D-A-D spælir ikki vánaligar konsertir, so fólk kunnu vera vísa í, at tað verður ein góð konsert, uttan mun til, hvørjar sangir bólkurin spælir.