Leita eftir skipi til Suðuroyarleiðina

Strandferðslan leitar eftir einum eykaskipi, sum kann tryggja Suðuroyarleiðina, tá ið Smyril er í dokk, men hóskandi skip eru sera trupul at finna á marknaðinum.

Smyril hevur meira enn 20 ár á baki, og tá ið skipið aftur skal í dokk um tvey ár, skulu millum annað allir fýra høvuðsmotorarnir skiftast út, og tá kunnu ganga tríggir mánaðir, áðrenn Smyril aftur verður í sigling. 

Tí verður nú leitað eftir eini meira varandi loysn, sigur Dánjal Samuelsen, stjóri á Strandferðsluni.

Hoyr Dánjal Samuelsen, stjóra á Strandferðsluni, greiða frá:

Smyril er serbygdur til Suðuroyarsiglingina, og sambært Strandferðsluni finst einki annað skip á marknaðinum, sum hevur somu eginleikar. 

Harumframt eru krøvini til skip, sum skulu sigla í Føroyum, strong:

Trupulleikin er ikki nýggjur. Strandferðslan hevur í fleiri ár víst á, at tað er trupult at finna hóskandi avloysaraskip, tá ið Smyril ikki kann sigla, men stjórin í Strandferðsluni er bjartskygdur, at ein loysn verður funnin:

Samstundis hongur framtíðin hjá Suðuroyarsiglingini saman við politisku avgerðini um Suðuroyartunnilin. 

Verður tunnilin ikki gjørdur, og skal Smyril røkja farleiðina í nógv ár afturat, heldur Strandferðslan, at farast skal undir at fyrireika eitt nýtt skip: