Skyldar bara triðing av álíkning

Tvøroyrar kommuna hevur framvegis eina góða fíggjarliga gongd, sigur kommunan sjálv.

Býráðið á Tvøroyri hevur einmælt samtykt ársroknskapin fyri 2025.

Úrslitið gjørdist 410.000 kr. í halli.

Tað er nógv minni enn roknað var við í fíggjarætlanini fyri 2025.

Við árslok 2025 vóru ognirnar hjá kommununi 28,3 mió. kr., og tøkur peningur var 19,3 mió. kr. 

Hann var 9,1 millión krónur árið fyri.

Í sambandi við íløgurnar í 2025 lænti kommunan 14,5 mió. kr.

3,4 mió. kr. vóru afturgoldnar av verandi lánum. 

Langfreistaða skuldin var 57,1 millión krónur við árslok.

Nettoskuldin svaraði til 33 prosent av einari álíkning.