WHO: Hantavirus herjar umborð á hollendskum reikferðaskipi

Heimsheilsustovnurin, WHO, hevur í dag kunngjørt, hvat er hent á hollendska reikferðaskipinum MV Hondius, sum ikki sleppur til kaj í høvuðsstaðnum í Cap Verde, Praia.

Trý fólk eru deyð umborð, og minst ein teirra er deyður av hantavirus.

Stjórin í WHO, Maria Wan Kerkhover greiðir soleiðis frá støðuni umborð:

Sjey fólk sjúk

Vanliga stavar smittan frá mýs og rottum, men WHO staðfestir, at rottur eru ikki umborð.

Reiðaríið sigur, at smittan stavar frá einum ferðafólki, sum hevur ferðast í Suðuramerika, áðrenn viðkomandi kom umborð.

Sjey fólk av teimum 147 fólkunum umborð, íroknað manning, eru sjúk.

Tíverri eru trý teirra deyð. Ein sjúklingur er í viðgerð í Suðurafrika, og viðkomandi sjúklingur er í bata.

Tveir sjúklingar eru framvegis umborð og verða gjørdir klárir at senda til viðgerð í Hollandi, sigur stjórin í WHO, Maria Wan Kerkhover.

Maria Wan Kerkhover, WHO-stjóri