Ráðið fyri ferðslutrygd 50 ár

Ráðið fyri ferðslutrygd verður 50 ár í dag.

Hesi 50 árini er nógv hent á ferðslutrygdarøkinum. 

Nógvir batar eru komnir í ferðslulógini. Vegirnir og bilarnir eru tryggari. Hugburðurin um ferðslutrygd er vorðin betri og nógv færri skaðar eru í ferðsluni, sigur Ráðið fyri ferðslutrygd.

Føðingardagsynskið hjá Ráðnum fyri ferðslutrygd er, at skaðanevndin, sum skal kanna álvarsligar ferðsluvanlukkur, fer at virka.

Og, at ferðslutrygdarætlanin fyri Føroyar verður dagførd.

Í fjør vóru 27 ferðsluóhapp við fólkaskaða í Føroyum. Tvey teirra kravdu mannalív.