Til reiðar at taka við løgmanssessinum, um hann stendur í boði

Fólkaflokkurin hevur í dag havt landsfund í Skálanum í Klaksvík. Nógv fólk var møtt á fundinum.

Fólkaflokkurin hevur havt sera góð úrslit í teimum seinastu veljarakanningunum, og Beinir Johannesen, formaður í Fólkaflokkinum, vísir ikki einum løgmanssessi burtur eftir komandi val, um tað skuldi staðið honum í boði. 

Eitt av punktunum á skránni til landsfundin, var formansfrágreiðingin hjá Beini Johannesen, floksformanni. Formansrøðan snúði seg um eitt sindur av hvørjum, alt frá bústaðarpolitikki til fiskivinnu og familjupolitikk. Men eitt sum fylti meir enn annað, var málið um at seta fleiri avmarkandi tiltøk í verk ímóti russiskum reiðaríum. Sirið Stenberg hevur boða frá, at hon ætlar sær at brúka heimildina, um uppskotið verður samtykt í Løgtinginum. Í røðu síni ávaraði formaðurin í Fólkaflokkinum tó ímóti hesum.

Hoyr innslagið í útvarpstíðindunum: