Próstur skal hava hjálparprest

Søkt verður eftir hjálparpresti til próstin. 

Hjálparpresturin verður virkandi sóknarprestur í Nes prestagjaldi. 

Talan er um tíðaravmarkað fulltíðarstarv frá 1. desember í ár til 31. mai í 2027.

Hjálparpresturin skal halda gudstænastur í kirkjusóknunum, har færri enn 400 fólk eru.

Umsóknarfreistin er til 24. november á middegi.

Í august í fjør bleiv Tummas Kannuberg hjálparprestur hjá prósti frá 1. september í fjør til 31. august í ár.

Talan var um royndarverkætlan.