Biður um undangóðkenning fyri løgtingið

Tey, sum vilja umvæla løgtingið, hava nú møguleikan at bjóða seg fram.

Landsverk hevur boðið út undangóðkenning til at umvæla umsitingarbygningin hjá løgtinginum.

Talan er um stóra umvæling á klædningin og klimaskermin.

Klædningurin er í ringum standi og má umvælast og skiftast. 

Klædningurin er lutvíst listaverk, og verður tað endurskapt í nýggju loysnini, sigur Landsverk.

Endamálið er skjótast gjørligt at fáa bygningin umvældan.

Freistin at bjóða seg fram er 17. juli.

Og tann dagin vera tilboðini eisini latin upp.

Undangóðkendar fyritøkur vera kunngjørdar 29. august.