ALS vil lækka inngjaldið

ALS er nú so væl fyri, at stýrið hevur biðið landsstýriskvinnuna lækka ALS-gjaldið niður í 0,6 prosent 1. januar 2026.

Tað fór úr einum prosenti niður í 0,8 prosent 1. januar í fjør.

Inngjøldini vóru 36,1 mió. kr. minni í fjør enn í 2023.

Og tað er tað, sum ALS væntaði.

Arbeiðsloysisskipanin hevði 210 milliónir krónur í avlopi í fjør.

Eginognin er komin upp á stíva hálva aðru milliard, tað mesta nakrantíð.