Jensina og Ljóðfílurin gera perlukúlur 

Í Barnaútvarpinum eru vit í jólahýri. Vit hoyra søgur, børn siga sína hugsan um jól, og vit hoyra góðan jólatónleik. 

Í barnaútvarpinum eru vit í jólahýri, serstakliga mánmorgnar, tá ið vit eru á verkstaðnum hjá Jensinu og Ljóðfílinum. Hesa ferð gjørdu tey eina perlukúla, sum er so vøkur. Eisini ber til at gera ein mjólkajólapakka, so gávan er klár jólaaftan. 

Soleiðis gera tit Perlukúluna:  

1. Tendrað límpistólin, so hann verður heitur. Legg hann til dømis á ein tóman eggjabakka, so lím ikki rennur úr. Meðan tit bíða, gera tit restina klárt :)  
2. Legg okkurt undirlag á borðið, so límið ikki kemur á sjálvt borðið. Vit brúktu papp.  
3. Koyr perlurnar á ein tallerk.  
4. Tá límpistólurin er klárur, tekur tú jólakúluna í einu hondina og koyrir so mikið lím á kúluna, at tú nær at seta perlur á.  
5. Legg pistólin á eggjabakkan og set síðani eina og eina perlu á, har sum límið er. Tit síggja nokkso skjótt, hvussu nógv lím skal á og hvat tit klára, áðrenn límið verður hart.  

Perlukúlan tekur eina løtu at gera, so vit lurtaðu eftir søgum á VIT appini ímeðan.

Um tolið ikki er til at gera eina kúlu, ið er full av perlum, ber til at skriva okkurt orð ella navn á kúluna, sum til dømis "JÓL", og líma perlur á orðið. 

Mjólkapakkajólapakkainnpakkingarpakki:  

1. Vaskað ein mjólkapakka væl  
2. Klipp, sum myndin vísir. Eg gissaði.  
3. Set jólaligt pappír á, og klistra tað fast.  
4. Legg rukkað silkippappír/súllpappír niðast.  
5. Legg kúluna í og koyr band um. 

>>Vegleiðing um, hvussu tú gert jólaprýðið hesuferð, kanst tú heinta niður HER