Flogbóltur: ÍF tryggjaði sær bronsuna

Flogbóltur: ÍF tryggjaði sær bronsuna
ÍF tryggaði sær bronsumerkini við tryggum sigri á Ternuni á heimavølli
Mynd: FBF  
 
19.04.2024 - 21:30

Høllin í Fuglafirði (Føroya Tele-deildin, menn)
ÍF – Ternan 3-0 (25-11, 25-16, 25-12)

ÍF tryggjaði sær í kvøld bronsumerkini við tryggum 3-0 sigri á Ternuni.

Undan dystinum var ÍF eitt stig aftanfyri Fleyr, sum klintraði upp á triðjaplássið við 3-1 sigri á júst ÍF seinasta týsdag. Men ÍF hevði eitt skot eftir í byrsuni, og við sigri á Ternuni fór bronsan til Fuglafjarðar, skrivar Flogbóltssambandið.

Eftir at Ternan hevði lagt seg framum 1-0 í fyrsta setti, sást kortini skjótt, hvønn veg tað bar, tí brátt var 14-2 til ÍF, og løtu seinni 25-11. At tosa um spenning í øðrum setti er heltst at taka ov rívan til, men fyrstu løtuna var Ternan á odda við tveimum og trimum, og soleiðis gjørdist støðan 9-6 til gestirnar. ÍF javnaði tó til 9-9 og helt á til 13-9, áðrenn settið varð vunnið 25-16. ÍF helmaði ikki í í triðja setti og fór framum 4-0 og vann uttan himpr 25-12.

Við sigrinum fór ÍF upp á 18 stig; tvey meira enn Fleyr á triða plássi.

 

Er kopiera
Nýggjastu sendingar í ÚV
Sunnudag 8. november
Guðstænasta í Viðareiðis kirkju
216081
Sunnudag 8. november
Filosofiskur 7. partur
216049
Leygardag 7. november
PLÁTUPANELIÐ #43 (1976)
216068
Leygardag 7. november
Jambalaja - 071126
216065
Nýggjastu sendingar í SV
Sunnudag 8. november
Bygdarlív 3 - Skálavík
216096
Sunnudag 8. november
Hondbóltur: Montenegro - F'øroyar
216095
Sunnudag 8. november
Møti hjá Heimamissiónini við Tjarnir
216089
Sunnudag 8. november
Andaktin við Anju Bjerkenes
216083