Vár setti nýtt føroyskt met

Vár setti nýtt føroyskt met
Vár Erlingsdóttir Eidesgaard úr Havnar Svimjifelag hevur svomið seg til eitt nýtt føroyskt met í 100 metra frísvimjing í HM á stuttgeil í Melbourne
Vár Erlingsdóttir Eidesgaard og Jón Bjarnason til HM á stuttgeil í Melbourne
Mynd: svimjing.com  
 
14.12.2022 - 13:38

Vár Erlingsdóttir Eidesgaard úr Havnar Svimjifelag hevur sett nýtt føroyskt met í 100 metra frísvimjing.

Í innleiðandi riðlunum svam hon teinin upp á 56,21 sekund. 

Tað gjørdi hon í Melbourne, har hon er einasti føroyski svimjarin til heimsmeistaraheitini í stuttgeil.

Vár Erlingsdóttir Eidesgaard átti sjálv gamla metið upp á 56.48 sekund, sum hon setti á Oyggjaleikunum á Gibraltar í 2019.


Komin fyri seg aftur

21 ára gamli svimjarin hevur havt nøkur trupul ár. Í fyrsta lagi kom koronufarsóttin, sum órógvaði altjóða svimjikappingar illa.

Síðan hevur hon verið illa darvað av skaða, men nú sær út til, at hon veruliga er við at koma fyri seg aftur.

Í FM á stuttgeil í november setti hon eitt føroyskt met, og nú hevur hon so betra um enn eitt av sínum bestu tíðum.

Um ársskiftið skal Vár Erlingsdóttir Eidesgaard til Miami í Florida, har hon skal lesa og svimja fyri eitt stórt universitet.

 

Er kopiera
Nýggjastu sendingar í ÚV
Mikudag 11. november
Vágskálin: Millum veruleika og óveruleika
215895
Mikudag 11. november
Skratsj 11. novembur 2026
216266
Mikudag 11. november
Mono - 90'ini undir lupp (2:4)
216264
Mikudag 11. november
Eg kendi meg sum greinina
216035
Mikudag 11. november
Eitt stjørnuskot so vakurt
216071
Nýggjastu sendingar í SV
Sunnudag 15. november
Eitt dýpi av dýrari tíð 2:2
216214
Leygardag 14. november
Eitt dýpi av dýrari tíð (1:2)
216213
Týsdag 10. november
Veðrið
216210
Mánadag 9. november
Veðrið
216154
Sunnudag 8. november
Bygdarlív 3 - Skálavík
216096